Холандскиот интернационалец Френки де Јонг го одби Манчестер Сити и реши кариерата да ја продолжи во Манчестер Јунајтед. Трансферот на одличниот играч за врска ќе чини меѓу 75 и 80 милиони евра.
Барса реши да продаде бидејќи мора да осигура финансии за следната сезона, а игрите на 24-годишниот фудбалер не се сјајни и се стравува дека неговата вредност ќе опадне во наредните години.
Така, холандскиот фудбалер по три години ќе го напушти „Камп Ноу“. Барселона нема да има загуби со него бидејќи го купи за 75 милиони евра од Ајакс.
Интересно е дека Де Јонг го одбра Јунајтед пред Сити, иако „црвените ѓаволи“ нема да играат во Лигата на шампионите следната сезона. Сепак, главна улога во преговорите одигра Ерик тен Хаг, новиот менаџер на Манчестер Јунајтед.
