Фудбалската репрезентација на Израел доби поддршка од навивачите на дуелот против Данска, меѓутоа доживеа пораз (0-2) во Тел Авив. Мартин Братвајт во 13.минута го отвори резултатот, а Јонас Винд во 67.минута го потврди триумфот на Данците.
Швајцарите славеа на гости во Софија против селекцијата на Бугарија со 1-3. Емболо, Сеферовиќ и Зубер донесоа огромна предност за Швајцарија (0-3) на полувремето, а почесниот гол за Бугарите го постигна Кирил Десподов на почетокот на второто полувреме.
