Навивач на Манчестер Сити почина за време на дербито со Манчестер Јунајтед на стадионот „Етихад“, соопшти англискиот клуб. Оваа трагична вест „граѓаните“ ја објавија на социјалните мрежи.
Сити драматично загуби на домашен терен со 1-2, откако „црвените ѓаволи“ направија целосен пресврт во завршните минути од натпреварот.
„Манчестер Сити со жалење информира за трагичната вест дека еден од нашите навивачи почина на стадионот поради медицински инцидент за време на вчерашниот натпревар. Мислите на сите во клубот се со семејството и блиските на навивачот во овој тежок момент“, напишаа од Сити.
