Најдобрата македонска фудбалерка Наташа Андонова и следната сезона ќе го носи дресот на шпанскиот прволигаш Леванте. Таа ја прифати понудата на клубот за нова едногодишна соработка.
„Среќна сум што и во наредниот период ќе играм во дресот на Леванте. Се надевам дека ќе оствариме уште подобри резултати“, изјави Наташа Андонова.
Леванте минатата сезона го освои третото место во првенството на Шпанија.
