Тажни вести доаѓаат од Островот. Натан Аке, фудбалер на Манчестер Сити, денеска објави дека неговиот татко починал за време на синоќешниот натпревар против Лајпциг.
Аке, кој го постигна гол на синоќешниот натпревар, напиша дека неговиот татко бил тешко болен долго време, и дека секој ден очекувал вести за неговата смрт.
„Изминатите неколку недели беа најтешките во мојот живот. Татко ми беше многу болен и повеќе ниту третмани не можеа да помогнат. Имав среќа да имам поддршка од мојата свршеница, семејството и од пријателите “, истакна Аке и потоа објави дека неговиот татко починал за време на натпреварот.
„По тежок период, вчера го постигнав мојот прв гол во Лигата на шампионите, а мојот татко починав само неколку минути подоцна. Мајка ми и брат ми беа покрај него. Можеби така треба да биде. Тој секогаш беше среќен и горд кога играв. Знам дека секогаш ќе бидеш со мене, секогаш ќе бидеш во моето срце и ова е татко за тебе“, објави емотивна порака дефанзивецот на Манчестер Сити.
