Јан Зомер прави трансфер во Баерн Минхен, тој денеска треба да ги мине медицинските прегледи. Германскиот шампион на Борусија Менхенгладбах ќе и плати 8 милиони евра, а уште 1,5 милиони се предвидени како бонуси со одредени клаузули.
Зомер доаѓа да го замени капитенот Мануел Нојер, кој пред околу еден месец ја скрши ногата на скијање и нема да игра до крајот на сезоната. Баварците мора да побрзаат со трансферот, бидејќи утревечер играат против Лајпциг.
Швајцарецот е во Гладбах од 2014 година.
Предметните бонуси од 1,5 милиони евра ќе се активираат под следниве услови: 1 милион евра за титула во Бундес – лигата, 250.000 евра за триумф во Купот на Германија и 250.000 евра за успех во Лигата на шампионите.
