Напаѓачот на Наполи, Виктор Осимен, ќе мора да паузира најмалку еден месец по повредата на мускулот со која се здоби на мечот од Лигата на Шампионите против Ливерпул. По деталните лекарски прегледи утврдено е дека Осимен има истегнување на мускулот од втор степен и дека ќе треба да паузира од четири до шест седмици.
Осимен всушност ја обнови повредата која го мачеше и претходно.
Нигериецот ќе пропушти поголем број натпревари, а се претпоставува дека може да се врати на теренот на мечот од ЛШ против Ајакс на 12 октомври.
