За спортската директорка на Челси и една од најмоќните жени во светот на фудбалот, Марина Гранковскаја, следниот преоден рок ќе биде последен во лондонскиот клуб, пишува Билд. Американски конзорциум предводен од бизнисменот Тод Боели официјално го презеде Челси.
„Досега последниот збор го имаше 47-годишната Грановскаја, а отсега одлуките ќе ги носи тренерот Томас Тухел. Блиската соработничка на Абрамович е во клубот од 2013 година, а бидејќи Русите се во немилост во Англија поради украинската криза, веројатно таа ќе си замине на крајот од август.
Нејзин наследник би можел да биде 50-годишниот Италијанец Андреа Берта, моментално спортски директор на Атлетико Мадрид.
