Актуелниот англиски шампион Манчестер сити го декласираше попладнево Арсенал со 5-0 (3-0) во првиот натпревар од третото коло во Премиер – лигата.
Арсенал, кој дербито во Манчестер го играше 55 минути со фудбалер помалку поради исклучувањето на Гранит Џака, го претрпе третиот пораз во новата сезона што за лондонскиот премиерлигаш е најлош старт од 1954 година.
Арсенал е последнопласиран на табелата со гол-разлика 0-9. Медиумите на Островот шпекулираат дека ова ќе биде и последниот меч за Микел Артета на клупата на „топчиите“.
