Напаѓачот на Брентфорд, Ајван Тони, доби осуммесечна суспензија од фудбалот и парична казна од 50.000 фунти по истрагата за негово обложување во фудбалот.
„Ајван Тони е суспендиран од сите фудбалски активности во следните осум месеци до 16 јануари 2024, казнет е со 50.000 фунти и предупреден за своето однесување во иднина околу правилата на ФА за обложување. Тој беше обвинет за 262 прекршувања на правилата на ФА од 25 февруари 2017 до 23 јануари 2021. ФА повлече 30 обвиненија, по што тој ги призна преостанатите 232. Тој смее да се врати на тренинзи со клубот во последните четири месеци од суспензијата, почнувајќи од 17 септември 2023“, се вели во објавата на ФА на Англија.
Тони оваа сезона беше еден од најдобрите стрелци во Премиер – лигата со 20 постигнати гола во дресот на Брентфорд.
