Работнички оствари важен триумф (1-2) на гости против Ренова во меч во кој на голот блескаше Ристо Јанков. Чуварот на мрежата на „романтичарите“ скроти неколку силни шутеви, а успеа да му одбрани и пенал на Влатко Стојановски во завршните минути од натпреварот. Со своето издание на овој дуел, го заслужи епитетот најдобар играч на 28.коло во Првата фудбалска лига, во изборот на МАКФУДБАЛ.
Скромниот Јанков, сепак, ги подели заслугите со соиграчите од Работнички.
„Среќни сме поради триумфот, втор во низа за нас. Самодовербата е сега на највисоко ниво и веќе сме фокусирани на следниот меч против Силекс во Кратово. Одигравме одличен меч против Ренова, тимот реагираше на вистински начин и освоиме три многу значајни бода. Среќен сум што одбранив пенал, но заслугите одат за сите соиграчи подеднакво“, изјави Ристо Јанков.
