Поранешниот фудбалер на Рома и на Интер, Раџа Наинголан, во моментов со семејството се наоѓа на Сардинија. Неговиот клуб Антверпен го суспендираше уште во октомври минатата година, па ќе се постигне договор за раскинување на соработката.
Италијанските медиуми тврдат дека Белгиецот се враќа во Италија и ќе стане нов играч на Калјари, кој сега од клупата го предводи Клаудио Раниери.
Популарниот Нинџа на тој начин уште еднаш ќе го облече дресот на клубот кој го носеше неколку пати почнувајќи од 2010 година, кога пристигна од Пјаченца.
