Младата репрезентација на Македонија за фудбалери до 21 година, наредниот месец ќе учествува на силниот интернационален турнир „Анталија куп 2019“.
Пред почетокот на квалификациите за ЕП 2021 година во Унгарија и Словенија, кои стартуваат во септември, избраниците на Добринко Илиевски од 20. до 27. март ќе имаат можност за вистински тест на актуелните можности.
Во групата на турнирот покрај Македонија, ќе учествуваат и селекциите на Летонија, Казахстан, Украина и Естонија. Репрезентацијата на Казахстан е во нашата квалификациска група и за пласман на ЕП.
