Има „лек“ и за забраните за забава предизвикани од пандемијата на коронавирусот. Можеби е строго во Париз, но Нејмар ги искористи слободните денови поради божиќните празници да замине во родниот Бразил, а таму во вилата организирал забава за 500 луѓе.
Тој се потрудил подрумот да го направи вистински ноќен клуб и поканил голем круг на пријатели на забава која ќе трае, верувале или не, цели пет дена. Ангажирани се бендови кои секоја вечер доаѓаат да ги забавуваат гостите, како и послуга за комплетно уживање на сите кои се гости на Бразилецот.
Единствено барање на домаќинот Нејмар е мобилните телефони да бидат оставени на посебно место при самиот влез во вилата, а потоа секој може да ужива во благодетите што ги нуди раскошниот ранч. Пари Сен Жермен следниот меч го игра на 6.јануари, а Нејмар има уште неколку слободни дена да се опушти во родниот Бразил каде и нема така строги мерки поради пандемијата на коронавирусот.
