Реал Мадрид објави видео кое покажува како функционира спектакуларниот систем за извлекување на тревникот на новиот „Сантијаго Бернабеу“. Работата за целосното реновирање помина долг пат. Кога ќе биде завршен, а се очекува да биде во втората половина на 2022 година, митскиот стадион на Реал ќе добие целосно нов надворешен изглед, но значително ќе се промени и внатрешноста.
Додека на Националната арена „Тодор Проески“ во Скопје тревникот се чува без да се играат натпревари и треба „природно“ да заздрави, еве како тоа се прави во светот.
Реал подигна голем заем за финансирање на реновирањето на Бернабеу, кој ќе се враќа со децении, а со камати бројката ќе се приближи до 800 милиони евра. Со голем број нови објекти, од ресторани и барови до бутици и хотели, челниците на Реал очекуваат дека новиот Бернабеу ќе стане фабрика за пари и дека отплатата на кредитот нема да биде проблем.
Реал Мадрид со гордост истакнува дека ќе биде стадион од 21. век, пример за дигитална иднина. Ќе биде опремен со видео екран од 360 степени и подвижен покрив.
Меѓу многуте „чуда“ се издвојува можноста за склопување на теренот и негово складирање во посебна комора.
Бидејќи Реал Мадрид нема намера да живее на стадионот 24 часа на ден и може да биде домаќин на настани кои немаат никаква врска со фудбалот, од други спортови до концерти, саеми и конгресни собири, можноста за брзо движење и враќање на тревникот во првобитната положба е од витално значење.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski