Ѕвездата на Баерн Минхен, Џамал Мусијала, успешно ја мина хируршката интервенција по враќањето од Светското клупско првенство во САД, соопштија од клубот.
Офанзивниот играч за врска на германскиот шампион заработи сериозна повреда за време на четвртфиналниот натпревар против Пари Сен Жермен (0-2), при што му беше дијагностицирана фрактура на фибулата. Поради сериозноста на повредата, Мусијала беше изнесен од теренот на носилки уште на полувремето.
Тој ќе започне со рехабилитацискиот процес веднаш, а прогнозите се дека ќе му бидат потребни неколку месеци за целосно заздравување и враќање во тимот, во зависност од динамиката на неговото опоравување.
