Турскиот гигант Фенербахче ќе ја загуби трката за шампионската титула во Турција од Галатасарај, но раководството на клубот подготвува голема промена за следната сезона. Бомбастичната вест од Турција е дека Жозе Мурињо треба да седне на клупата на Фенербахче ова лето.
Португалецот е без работа по резделбата со Рома, а имаше одредени најави дека би можел да го преземе Њукасл или пак да замине во Саудиска Арабија. Сепак, турските медиуми тврдат дека Жозе Мурињо ја прифатил понудата на Фенербахче и тоа треба официјално да биде објавено во наредниот период.
Мурињо доставил и листа со имиња на фудбалери кои би сакал да бидат доведени во тимот за следната сезона.
