Монца за првпат во историјата ќе игра во Серија А откако синоќа во плејофот за пласман во елитата ја совлада Пиза на гости со 3-4, по продолженија, и го потврди триумфот и од првиот меч (2-1). Беше многу драматично на овој дуел, но не и за газда Силвио Берлускони. Тој во решавачките моменти си дремна.
Дури и не знаеше дека Монца испушти шанса по 90 минути да обезбеди пласман во Серија А и прими гол во последната минута. Но, сепак, Монца беше поуспешна во продолженијата, а тогаш и Берлускони се поздразбуди.
Кој може и да му замери, кога има 86 години…
