Најдобриот стрелец во Премиер – лигата, Мохамед Салах, собори уште еден рекорд оваа сезона. Синоќа Египќанецот се запиша во листата на стрелците во дербито против Евертон и забележа асистенција за конечните 2-2 на „Гудисон Парк“.
Салах најпрво асистираше на Мекалистер за 1-1, а потоа и постигна гол, носејќи целосен пресврт во резултатот.
Ова беше негов 14-ти гол од почетокот на сезоната, заедно со деветте асистенции, што значи дека Салах учествувал во вкупно 23 погодоци на Ливерпул во Премиер – лигата.
Со ова тој го надмина рекордот на Енди Кол од сезоната 1993/94, кога постигна 12 гола и запиша девет асистенции.
