Египетскиот интернационалец Мохамед Салах е понуден на Барселона за можен трансфер по завршувањето на оваа сезона, кога му истекува договорот со Ливерпул.
Сепак, каталонскиот клуб одлучил да не го реализира овој трансфер поради неколку причини.
Една од главните причини е возраста на Салах. Со 32 години, египетскиот напаѓач не се вклопува во долгорочните планови на Барселона, кои се насочени кон привлекување на помлади таленти.
Покрај тоа, раководството на клубот е загрижено дека доведувањето на Салах може да го ограничи развојот на младиот талент Ламин Јамал, кој веќе се етаблира како клучен играч во составот. Барселона е задоволна и од напредокот на бразилскиот крилен напаѓач Рафиња, што дополнително ја намалува потребата од нови засилувања во нападот.
Поради овие фактори, Барселона одлучила да не се ангажира за трансферот на Мохамед Салах, дури и ако има можност да го доведе како слободен агент.
