Младиот фудбалер на Трепчa, Ерион Кајтази, почина на терен како последица од срцев удар. Тој имаше само 17 години, а информацијата е потврдена од клубот.
Фудбалерот кој е од Косовска Митровица, паднал во бесознание на крајот на полувремето, а покрај напорите докторите не успеале да му помогнат.
„Денеска со 17 години не напушти Ерион Кајтази. Не можеме да најдеме зборови да напишеме за тебе, Ерион. Со нас порасна и играше за сите селекции. Планиравме во блиска иднина да одиш во Европа, и на овој ден се простуваме од тебе физички, но не емоционално и духовно. Ери, како што те нарекувавме, засекогаш ќе останеш во нашите мисли. Со голема болка ќе се сеќаваме и никогаш нема да те заборавиме од страна на целиот клуб Трепча и претседателот“, објави клубот.
