Фудбалерот од средниот ред на Барселона, Миралем Пјаниќ, се сели во Обединетите Арапски Емирати. Тој постигна тригодишен договор со Шарјах, тимот од ОАЕ, објавија каталонските медиуми.
Играчот од средниот ред беше изоставен од составот на Барселона за натпреварот од Лигата на шампионите против Плзен и отпатува во Обединетите Арапски Емирати за да го финализира договорот.
Тренерот на Барса, Чави, потврди дека Пјаниќ заминува од „Камп Ноу“.
„Пјаниќ реши да си замине и да бара нов предизвик. Тој е голем професионалец и мислам дека имаше шанси да игра тука, но секој си го избира својот пат“, изјави Чави на прес-конференцијата пред средбата со Плзен.
