Миовски одлета за Шпанија, на лекарски прегледи и потпис со Џирона (ФОТО)

Македонскиот репрезентативец Бојан Миовски одлета за Шпанија, каде во текот на денешниот ден треба да ги мине медицинските прегледи и да потпише договор со Џирона. Сѐ е договорено на релација меѓу двата клуба, Џирона ќе плати околу 8 милиони евра, а Миовски ги договори личните услови со шпанскиот клуб.

Одличната сезона во Абердин го вивна Миовски на европската сцена, а Џирона во него ја гледа замената за Артем Довбик, украинскиот интернационалец кој беше најдобар стрелец во Ла Лига минатата сезона и направи трансфер во Рома.