Македонскиот репрезентативец Бојан Миовски го доби признанието за фудбалер на годината на Абердин.
„Благодарност до сите наши фанови и до сите кои гласаа за мене. Ми покажавте колку многу ви значи тоа што го правам на теренот. Овие награди ми докажаа дека сѐ што сум направил со срце за Абердин е почитувано. Јас ќе продолжам да правам сѐ“, истакна Миовски.
Бојан Миовски оваа сезона постигна 24 гола во дресот на Абердин во сите натпреварувања, а се најде и во тимот на сезоната во Премиер-лигата на Шкотска.
