Македонскиот репрезентативец Бојан Миовски блеска во тимот на Абердин оваа сезона. Ја надмина бројката од 20 постигнати гола во досегашниот тек од сезоната, а денеска придодаде уште два, во Купот на Шкотска.
Тој е ѕвездата во составот на Абердин и сосема е нормално што е идол на младите. Децата го посакуваат неговиот дрес, а Миовски несебично сака да ги израдува секогаш кога е во можност. Денеска дресот на Мио го доби едно мало детенце, кое имаше транспарент со молба да добие таков подарок.
