Македонскиот репрезентативец Бојан Миовски одигра одличен натпревар во Купот на Шпанија, постигнувајќи два гола во победата на Џирона од 4-0 против Екстрамадура на гостински терен. Миовски беше стартер и апсолутно ја оправда довербата.
Џирона поведе во 12. минута преку Брајан Хил, а потоа Миовски ја презеде голгетерската улога.
Тој постигна гол во 58. минута за водство од 2-0, а само четири минути подоцна повторно се запиша во листата на стрелците.
Мартинез беше стрелец на последниот гол за Џирона.
