Борусија Дортмунд губеше со 0-2, но со голем пресврт во вториот дел успеа да го победи Бохум со 4-2.
Беро во 16.минута и Де Вит во 21.минута обезбедија предност од 0-2, а Бохум имаше шанса и за 0-3, но Боаду не успеа да реализира класичен противнапад кога излезе сам пред домашниот голман Кобел.
Серху Гираси во 44.минута намали на 1-2, а потоа беше фаулиран и изнуди пенал во 62.минута, што реализираше Емре Џан.
Гираси во 75.минута постигна и погодок за целосен пресврт, а Нмеча го постави конечниот резултат во 81.минута од дуелот.
