Борусија Дортмунд може да го продаде младиот напаѓач Јусуфа Мукоко, откако го привлече Серху Гираси од Штутгарт, објави „Скај Германија“.
„Жолто-црните” пристигнаа во Тајланд за својата претсезонска турнеја со четворица главни напаѓачи, при што барем еден најверојатно ќе го напушти германскиот клуб. Цената на 19-годишниот Мукоко е околу 20 милиони евра.
Медиумите го сметаа напаѓачот Себастиен Але за прв кандидат за продажба. Иднината на германскиот напаѓач Никлас Фулкруг исто така останува нејасна. Во моментот германскиот репрезентативец сака да ужива во својот одмор по завршувањето на ЕВРО 2024 и дури потоа да разговара со раководството на клубот.
Финалистот во Лигата на шампионите од минатата сезона сака да го задржи Фулкруг во својот состав.
