Фудбалската репрезентација на Македонија ја очекуваат два пријателски натпревари против Финска и против Азербејџан во Скопје, а селекторот Благоја Милевски денеска го објави списокот на повикани фудбалери.
Се вратија Илија Несторовски, Бобан Николов, Давид Бабунски, на списокот, но поради повреда повторно го нема Аријан Адеми. Ги нема и Чурлинов, Костадинов, а Дарко Велковски не е во тренажен процес околу две седмици.
„За жал повторно не можеме да бидеме комплетни, но веќе се навикнавме на тоа. Аријан Адеми повторно нема да биде со нас, откако се здоби со истекнување на мускулот, има руптура од три сантиметри. Ќе ги нема и Чурлинов, Костадинов и Дени Илиев. Тие полека се враќаат од повредите, но се уште не можат да бидат со нас. Дарко Велковски е на списокот, но 14 дена не е во тимски тренажен процес, а Трајковски почна со подготовки на 3. ноември. Овојпат Илија Несторовски ќе добие шанса, сакам да видам дали може да се вклопи добро во оваа наша нова концепција“, изјави селекторот Благоја Милевски.
