Македонија беше на неколку секунди до триумф против Велс, но прими гол во 97.минута и мораше да се задоволи со реми (1-1).
Селекторот Благоја Милевски вели дека е горд на начинот на кој одигравме против селекцијата на Велс, која има неколку премиерлигашки ѕвезди во својот состав.
“Мора да бидеме горди на нашиот настап на вечерашниот меч против Велс. Тие имаат неколку фудбалери од Премиер – лигата и од шамионатот на Франција, а нашите момци одлично се спротивставија. Останува горчината на тој примен гол во последните мигови. Но, грешки се случуваат, направи грешка и Велс за нашиот погодок”, изјави селекторот Благоја Милевски на прес-конференцијата.
