
Селекторот Благоја Милевски го објави списокот на повикани фудбалери во националниот тим за последниот мини циклус од квалификациите за ЕВРО 2024. Предизвикот е огромен, гостување во Рим и дуел со Италија на „Олимпико“ на 17 ноември, и три дена подоцна натпревар против Англија во Скопје, на арената „Тодор Проески“.
„Списокот е ист од минатиот пат, ме радува што со нас по подолга пауза поради повреда е и Тихо Костадинов. Најважно е што во моментот сите се здрави и се надевам дека така ќе остане и после овој викенд во кој сите ќе играат за своите клубови. Размислуваме секогаш за првиот нареден меч, а тоа е гостувањето против Италија. Ниеден натпревар не наликува на претходниот, сигурно дека против Италија сега нѐ очекува поинаков меч од претходните. Треба да одговориме пред сѐ физички, а тука имаме и мал проблем, бидејќи некои играчи ја немаат потребната минутажа во клубовите. Но, ние секогаш го извлекуваме максимумот од секој од нив“, изјави селекторот Благоја Милевски.
Официјалниот собир на националниот тим за претстојните натпревари против Италија и против Англија е закажан за 13 ноември во хотел „Хилтон“ во Скопје.

-
МАКФУДБАЛ ТИМ НА КОЛОТО ВО ПРВАТА ЛИГА
Струга Трим Лум оствари важен триумф против Работнички на Националната арена „Тодор Проески“ и...
Автор makfudbal
-
(ИН)ДИРЕКТ: Јас би ја казнил Шкендија 59 меча да игра без публика!
Трагедијата во Кочани се случи, сигурно дека можеше да се превенира, но со оглед...
Автор Nikola Gjurovski

Интернационалци
Дориев двоен стрелец за Согдиана (ВИДЕО)
