Милан, наводно, му понудил нов договор вреден 8 милиони евра нето по сезона на Џанлуиџи Донарума. Но, како што известува италијанска “Газета”, неговиот агент Мино Раиола сè уште нема одговорено на новата понуда на „росонерите“.
Поради тоа, Пари Сен Жермен, Јувентус и Челси будно ја следат ситуацијата со Донарума.
Во случај тој да не го продолжи договорот кој му истекува ова лето, некои од алтернативите на Милан за 22-годишниот италијански чувар на мрежата се претпоставува дека се Мајк Мењо од Лиле, Хуан Мусо од Удинезе, и Пјерлуиџи Голини од Аталанта.
