Италијанскиот калчолигаш Милан се уште е во трка за титулата во Италија, но приоритетна цел на тимот е освојување на една позициите кои водат во Лигата на шампионите. Истовремено, раководството на клубот планира сериозни финансиски инвестиции пред летниот преоден рок.
Милан сака со околу 100 милиони евра да ги реновира сите линии во тимот. Фелипе Кутињо е трансферната цел за средниот ред, Душан Влаховиќ и Мемфис Депај се желбите за засилувања во нападот, а Милан сака да перманентно да го потпише и Фикајо Томори, кој сега игра како позајмен играч од Челси.
Милан е второпласиран на табелата во Серија А со 59 бода по 28 натпревари.
