Најтрофејниот играч на Реал Мадрид во историјата, Бразилецот Марсело, го напушти мадридскиот тим и е слободен да избере нова средина. Според италијанските медиуми, можно е да направи спектакуларен трансфер во Серија А.
Челниците на Милан сметаат дека Марсело би бил идеална замена за Тео Хернандез, со оглед дека сезоната е долга, а „росонерите“ следната сезона ќе играат во Лигата на шампионите и ќе им бидат потребни по двајца квалитетни играчи на секоја позиција во тимот.
Марсело дојде во Реал Мадрид во јануари 2007 година од Флуминенсе за 6,5 милиони евра и цели 15 години беше на „Сантијаго Бернабеу“.
