Техничкиот директор на Милан, Паоло Малдини, изјави дека веќе се водат разговори со шведската ѕвезда Златан Ибрахимовиќ за нов договор. Актуелниот договор на 40-годишниот напаѓач истекува на лето.
Швеѓанецот стана еден од симболите на подемот на Милан и клубот му е благодарен и ја чека неговата одлука.
„
Веќе зборуваме за иднината. Тој сака да игра барем уште една сезона. За нас Златан никогаш нема да биде товар. Се зависи од него и неговата одлука“, коментира поранешниот легендарен дефанзивец на „росонерите“.
На Милан му оди добро во Серија А, а по синоќешната победа (1-2) над лидерот Интер во миланското дербито, сега е второпласиран на само еден бод до „нероаѕурите“.
Следниот натпревар на тимот предводен од Стефано Пиоли е на 9. февруари против Лацио за Купот на Италија.
