Милан конечно стави крај на низата од шест последовни порази и го совлада Интер со 1-2 во Дерби дела Мадонина. Оваа победа е одлична вест и за тренерот Пауло Фонсека, кој беше под голем притисок и се шпекулираше дека би можел да ја загуби својата позиција доколку не успее во дербито.
Кристијан Пулишиќ донесе предност за Милан уште во десеттата минута, но Федерико Димарко израмни во 27. минута.
Милан покажа поголема желба за победа, а во завршницата на натпреварот, Матео Габија постигна гол со удар со глава во 88. минута, донесувајќи им го посакуваниот триумф.
