Милан и Интер ќе градат нов стадион: „Катедрала“ во 2026 година ќе го замени „Сан Сиро“

Италијанските калчолигаши Милан и Интер почнуваат со изградба на заеднички нов стадион. Легендарниот стадион „Сан Сиро“ ќе замине во историјата во 2026 година, а двата клуба дотогаш треба да изградат ново здание кое ќе се вика „Катедрала“ и ќе има капацитет од 65.000 гледачи.

Изградбата на стадионот ќе стартува претстојнава 2022 година, а треба да биде комплетно изграден за пет години.

„Сан Сиро“ ќе биде комплетно урнат во 2026 година, по одржувањето на отворањето на Зимските олимписки игри.