Милан ја забележа својата десетта победа во Серија А оваа сезона, триумфирајќи на гостувањето кај Емполи со 0-2. Со овој успех, „росонерите“ се искачија на седмото место на табелата со 38 освоени бода.
Рафаел Леао го отвори резултатот во 68. минута, погодувајќи ја мрежата на домаќините. До крајот на мечот, мексиканскиот интернационалец Сантијаго Хименес успеа да постигне гол и така го запиша својот прв погодок во дресот на Милан.
Натпреварот беше исполнет со тензија, а судијата додели два црвени картони. Лука Маријанучи од Емполи и Фикајо Томори од Милан добија исклучувања, што дополнително ја заостри атмосферата на теренот.
