Италијанскиот калчолигаш Милан ќе се обиде во летниот преоден рок да го доведе холандскиот репрезентативец Дони ван де Бек од Манчестер Јунајтед. Тој дојде како големо засилување минатото лето, но би можел да си замине после само една година поради малата минутажа.
Ван де Бек не е задоволен од статусот на резерва во клубот и размислува да го напушти „Олд Трафорд“.
Милан сака да го искористи незадоволството на Дони ван де Бек и да го донесе во Серија А. 23-годишниот играч за врска дојде за сума од 45 милиони евра, но немаше многу шанси за да покаже што знае во тимот на Манчестер Јунајтед.
