Арсенал го ангажираше Микел Мерино од Реал Сосиедад. Лондончани ќе платат 32,5 милиони евра, плус 5 милиони во бонуси за 28-годишниот шпански репрезентативец. Мерино потпиша четиригодишен договор со новиот клуб, со опција за продолжување на договорот за уште една година.
„Микел е играч кој носи огромен квалитет со своето искуство и разновидност. Веќе години игра на највисоко клубско и меѓународно ниво. Тој значително ќе го зајакне нашиот состав. Сите видовме ова лето дека Микел е победник со своите силни настапи на Европското првенство“, коментира Микел Артета.
Претходно во текот на денот, Арсенал привремено се раздели со Фабио Виеира. Играчот за врска се пресели во Порто на позајмица за една сезона. 24-годишниот офанзивен играч за врска е продукт на младинската школа на португалскиот клуб, каде што играше од 2019 до 2022 година. Тој одигра 76 натпревари и постигна 10 голови пред да се пресели во Арсенал.
