Поранешниот англиски репрезентативец и фудбалер на Манчестер Сити, Мика Ричардс, откри детали како живеат славните фудбалери преку пример од неговиот приватен живот. Богатството им е енормно, па се сетил дека како тинејџер многу заработувал, но и многу потрошил. Така, за една вечер во Лос Анџелес потрошил 150.000 фунти на пиење.
Мика Ричардс открил дека на возраст од 18 години неговата плата се зголемила десеткратно, од 5.000 фунти на 50.000 фунти неделно, а тој годишно заработувал 2,5 милиони фунти. Не ги потрошил сите пари, но и не штедел премногу.
„Имам многу недвижен имот, не ги потрошив тие пари, но беше поинаку. Кога си фудбалер сакаш да бидеш кул. Искрено, еднаш отидов во Лос Анџелес. Таа вечер потрошив 150.000 фунти само за пијалоци и забава“, призна Ричардс.
Покрај за Манчестер Сити, Ричардс играше и за Фиорентина и за Астон Вила, а од 2006 до 2012 година беше и член на англиската фудбалска репрезентација.
