Младинскиот репрезентативец Методи Максимов прави трансфер во австрискиот прволигаш ЛАСК. Тој во текот на утрешниот ден треба да биде претставен во новиот клуб, а првата сезона ќе биде отстапен во норвешкиот второлигаш Алесунд.
Максимов од 1 јануари 2023 година е член на Шкендија, а претходно настапуваше за Работнички, кој според договорот ќе заработи и одреден процент од овој трансфер.
Методи Максимов за Шкендија оваа сезона одигра 19 натпревари, 17 првенствени и два во европските купови, постигна еден гол и забележа една асистенција.
