Носителот на осум „Златни топки“, Лионел Меси, се врати во игра за неговиот тим Интер Мајами во победата од 3-1 против Филаделфија Унион во МЛС-лигата и веднаш постигна два гола и забележа асистенција.
Ѕвездениот клуб на Дејвид Бекам стигна до успехот по целосен пресврт, откако заостануваше со голот на Микаел Уре во втората минута.
Сепак, со двата гола на Лео Меси, во 26. и во 30.минута и еден на Луис Суарез (90.) стигнаа до посакуваниот триумф.
Лионел Меси веќе има 15 гола и 15 асистенции, постигнати на 19 натпревари во МЛС-лигата, со што оствари уште еден рекорд во историјата на американската лига.
