Аргентинскиот ас Лионел Меси е пред крајот на договорот со ПСЖ, но сѐ уште не се договорил за продолжување со клубот. Челниците уште во декември се сретнаа со таткото на Меси, Хорхе, но не беше постигнат договор.
Фабрицио Романо, најпознатиот новинар кој се занимава со фудбалски трансфери, ја објасни ситуацијата на Меси.
„Меси доби предлог од ПСЖ да го продолжи договорот и не бараше плата како другите играчи. Во овие преговори главниот фактор не се парите. Меси сака да разбере каква ќе биде неговата улога во ПСЖ и како ќе изгледа клубот следната сезона ако го продолжи договорот. Затоа не брза и сѐ уште е во преговори“, објасни Романо.
ПСЖ разочарувачки е елиминиран во осминафиналето од Лигата на шампионите и веќе може да ја прогласи оваа сезона за неуспешна. Француските медиуми пишуваа дека Меси не е задоволен и од тренерот Кристоф Галтие и дека го напуштил тренингот. Татко му негираше, напиша дека сето тоа е лага.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski