Интер Мајами и Спортинг Канзас Сити одиграа натпревар во екстремни услови, на температура од -15°C, во рамките на Лигата на шампионите на КОНКАКАФ. Гостите од Мајами, кои не се навикнати на вакви студени услови, сепак успеаја да слават со 1-0, а мечот беше одложен за еден ден поради поларните температури во Канзас.
Фудбалерите беа целосно опремени за студот – голманите носеа капи, играчите беа со ракавици, хулахопки и ролки за дополнителна заштита.
Како и многупати досега, херојот на натпреварот беше Лионел Меси. Иако никогаш претходно не играл во вакви температури, тоа не му претставуваше проблем – тој го постигна победничкиот гол, и тоа со својата послаба десна нога.
Реваншот е за една недела, а ако Интер Мајами успее да го елиминира Спортинг Канзас Сити, во следната фаза ќе се соочи со Кавалир од Јамајка.
