Connect with us

Меси: Не се вратив во Барселона затоа што не сакав да се повтори маката поради која заминав

Аргентинската мегаѕвезда Лионел Меси ќе ја продолжи кариерата во САД и ќе го носи дресот на Интер Мајами. Тој го прекина молкот и објасни зошто не реши да врати во Барселона иако имаше голема жечба за тоа.


„Навистина сакав да се вратам во Барселона, но не сакав да се најдам во истата ситуација како кога заминав. Не сакав да чекам што ќе биде и да ја оставам мојата иднина во туѓи раце. Донесов сопствена одлука, мислев за семејството и за себе. Слушнав дека Ла Лига прифатила и дека се подготвуваше моето враќање, но требаше да се случат уште многу работи. Барселона требаше да продава играчи, а јас повторно требаше да минувам низ истата ситуација и да чекам да се отвори место за регистрација во тимот. Веќе бев обвинет за многу работи кои не беа вистинити во Барселона, па не сакав пак да минувам низ такво нешто. Се плашев од истото и затоа не потпишав со Барселона. Го одбрав Интер Мајами и тоа е мојата дефинитивна одлука. Имав и други понуди од Европа, но таму би играл само за Барселона, затоа што и во Пари Сен Жермен се покажа дека сепак нешто недостасуваше“, изјави Меси.

Покрај Барселона, Лео Меси имаше и астрономска понуда од Ал-Хилал вредна 1,2 милијарди евра, но, сепак, реши за живее во Америка наместо во Саудиска Арабија.

Advertisement
Advertisement
Advertisement

Facebook

Тимови