Антоан Гризман не може да се вклопи и да се наметне во Барселона, затоа што Лионел Меси тоа не го дозволува. Тој е едноставно „цар и монарх“ во клубот, вели поранешниот агент на Гризман.
Агентот Ерик Олтас смета дека Барселона едноставно мора да се ослободи од Лионел Меси за да не биде „заробен клуб“ на еден фудбалер.
„Гризман кога дојде во клубот веднаш влезе во проблеми бидејќи клубот функционира така како што ќе каже Меси. Тој е цар и монарх, а на доаѓањето на Антоан веројатно гледаше од призма дека ќе биде загрозен. Мислам дека Меси кажа дека заминува само за да види колкава моќ има во клубот. Колку и да е добар на теренот, тој е олош надвор од него. Барселона е „заробен“ клуб“, изјави поранешниот агент на Антоан Гризман, кој многу добро ги познава случувањата во каталонскиот гигант.
