Пари Сен Жермен оствари рутинска победа против Реимс на гости (0-2). Малкумина ќе се сеќаваа на овој меч ако не се случеше дебито на аргентинската ѕвезда Лионел Меси. Тој ги одигра првите минути во дресот на ПСЖ, откако влезе во 66.минута на местото на Бразилецот Нејмар.
Во тие моменти ПСЖ веќе водеше со 0-2. Стрелец на двата гола беше Килијан Мбапе кој можеби и ќе го напушти Париз до крајот на летниот преоден рок. Мбапе го отвори резултатот во 16.минута со удар со глава, а во 63.минута уште еднаш го совлада домашниот голман Рајковиќ.
