Мертенс и Тореира дојдоа, но Галатасарај го купува и Кристијано Роналдо?

Турскиот гигант Галатасарај започна акција за шокантен трансфер. Раководството на овој клуб го договори ангажманот на Дрис Мертенс и на Лукас Тореира кои денеска треба да потпишат договори, а каталонскиот весник „Спорт“ најавува дека клубот е во преговори и со португалската мегаѕвезда Кристијано Роналдо.

Мертенс доаѓа како слободен агент откако не успеа да се договори со Наполи за продолжување на соработката. Тој е најдобриот стрелец во историјата на клубот од Неапол, а Лукас Тореира ќе биде купен од Арсенал кој не смета одамна на уругвајскиот интернационалец.

Сепак, вистински фудбалски земјотрес во Истанбул предизвика информацијата дека и португалскиот ас Кристијано Роналдо би можел да потпише за Галатасарај. Тој сака по секоја цена да го напушти Манчестер Јунајтед, а Галатасарај сака тоа да го искористи и да го привлече на Босфорот.