Холандија дојде до значајна победа на гостувањето кај Литванија (2-3) во квалификациите за Светското првенство 2026, а мечот ќе остане запишан во историјата поради Мемфис Депај. Напаѓачот постигна два гола и стана најдобар стрелец на сите времиња за „лалињата“.
Со новите погодоци, Депај стигна до бројката од 52 голови, со што го надмина досегашниот рекордер Робин ван Перси (50). Зад нив остануваат Клас-Јан Хунтелар (42) и Патрик Клајверт (40).
Холандија поведе рано, уште во 11. минута преку Мемфис Депај по асистенција на Коди Гакпо, а во 33. Јурриен Тимбер со прецизен удар ја зголеми предноста на 0-2. Но, Литванија возврати со головите на Гинеитис и Гирдваинис, враќајќи се на 2-2.
Клучниот момент дојде во второто полувреме, кога во 64. минута Депај повторно беше на вистинското место, реализирајќи по центаршут на Дензел Дамфрис за конечни 2-3.
Со триумфот, Холандија останува прва на табелата со 10 бодови, додека Литванија е четврта со четири.
